Subaru bílar eru með öruggustu bílum sem völ er á. Subaru Impreza  er þar engin undantekning hann er með loftpúða sem staðalbúnað, höfuðpúða á framsætum sem færast fram við aftanákeyrslu og minnka þ.a.l. líkur á áverkum á hálsi. Subaru bílar eru með breitt hjólabil, lágrétta BOXER vél og fjórhjóladrif sem er algjörlega jafnþungt frá hægri til vinstri og býður því upp á einstaka akstureiginleika  sem er sérkenni Subaru bíla. Vélin og fjórhjóladrifsbúnaðurinn er staðsettur lágt í bílunum og er jafnþungur frá hægri til vinstri (Symmetrical All Wheel Drive). Þetta er ástæðan fyrir rómuðum aksturseiginleikum og akstursöryggi Subaru.

Hægt er að velja um 1,5 lítra Boxer vél sem er 79kW eða 107 hestöfl við 6000 snúninga á mínútu eða  tveggja lítra Boxer vél sem er 110kW eða 150 hestöfl við 6,400 snúninga á mínútu. Fjöðrunin að framan er hefðbundin McPherson an að aftan er alveg ný fjögurra arma sjálfstæð fjöðrun með gormi. Hægt er að velja um 5 gíra beinskiptingu og þá fylgir lágt drif eða 4 þrepa sjálfskiptingu með sport stillingu.

Subaru Impreza er eins og bílar í svipuðum stærðarflokki lipur og sparneytinn og hann sker sig ekki úr Subaru línunni hvað útbúnað varðar því hann er mjög ríkulega búinn aukahlutum. Hægt er að velja um tvær vélastærðir og þrjár gerðir af mismunandi búnaði en það er sama hvaða gerð af Subaru Impreza þú velur þú færð alltaf fjórhjóladrif í kaupbæti.