Note er til í tveimur mismunandi gerðum Visia og Tekna. Í Visia gerðinni er m.a. afl- og veltistýri, loftpúðar fyrir ökumann og farþega, fjarstýrðar samlæsingar, NATS ræsivörn (þjófavörn), rafmagn í rúðum og speglum, útvarp og geislaspilari, 3ja punkta öryggisbelti í öllum sætum, ISOfix barnabílstólafetingar, ABS hemlar og fleira. Auk þessa er í Tekna gerðinni: útvarpsstillingar í stýri, samlitir stuðarar, 6 diska geislaspilari, álfelgur, Bluetooth (þráðlaus símasvörun), loftkæling,  ESP skriðvörn ofl.

Note er fáanlegur með 1,4 lítra, 88 hestafla bensínvél með beinskiptingu en einnig með 1,6 lítra, 110 hestafla bensínvél með sjálfskiptingu. Þar að auki er boðið uppá 1,5 lítra, 86 hestafla dísilvél með beinskiptingu.

Framsækið útlit er í takt við hönnun innrarýmis sem einkennist af sveigjanleika og notagildi. Yfirbyggingin er nokkuð há og sessur sætanna líka og því er mjög auðvelt að ganga um bílinn. Aftursætin eru færanleg fram og aftur á sleðum svo hægt er að stækka eða minnka farangurssýmið að vild. Innréttingin í Note hefur nýtískulegt yfirbragð með silfurlitaða fleti og bjart yfirbragð mæla.