Subaru bílar eru með öruggustu bílum sem völ er á. Subaru Forester er þar engin undantekning hann er með fjóra loftpúða sem staðalbúnað, höfuðpúða á framsætum sem færast fram við aftanákeyrslu og minnka þ.a.l. líkur á áverkum á hálsi. Subaru bílar eru með breitt hjólabil, lágrétta BOXER vél og fjórhjóladrif sem er algjörlega jafnþungt frá hægri til vinstri og býður því upp á einstaka akstureiginleika  sem er sérkenni Subaru bíla. Vélin og fjórhjóladrifsbúnaðurinn er staðsettur lágt í bílunum og er jafnþungur frá hægri til vinstri (Symmetrical All Wheel Drive). Þetta er ástæðan fyrir rómuðum aksturseiginleikum og akstursöryggi Subaru.

Vélin í Subaru Legacy er tveggja lítra Boxer vél sem er 121kW eða 165 hestöfl við 6,800 snúninga á mínútu. Fjöðrunin að framan er hefðbundin McPherson an að aftan er tveggja arma sjálfstæð fjöðrun með gormi. Hægt er að velja um 5 gíra beinskiptingu og þá fylgir lágt drif eða 4 þrepa sjálfskiptingu með sport stillingu.

Subaru Forester er eins og samnefnari fyrir notagildi. Hann er með tvískipt niðurfellanleg 60/40 aftursæti sem mynda fullkomlega sléttan flöt þegar þau eru lögð niður. Farangursrýmið er 1.629 lítrar og aðgengi að því er mjög gott sökum þess hve afturhurðin opnast vel upp. Innganga og útganga úr Forester er nánast fullkomin þar sem hæðin á sessum sætanna er ákaflega vel staðsett.

Á ferðalögum nýtur þú jeppaeiginleikanna sem búa í Forester. Hann er eins og sérhannaður fyrir íslenskar aðstæður með veghæð eins og jeppi og hátt og lágt drif í beinskiptu gerðinni.
Subaru Forester er aflmikill og rúmgóður jepplingur sem hefur reynst eigendum sínum  einstaklega vel sökum þess hve áreiðanlegur hann er. Subaru einfaldlega bilar sjaldnar en flestir aðrir bílar.