Nissan Pathfinder er til í þremur mismunandi gerðum XE, SE og LE. XE gerðin er m.a. búin ESP stöðugleikastýringu, ABS hemlum, tvöfaldri loftkælingu, gardínuloftpúðum, ISOfix barnabílstólafestingum, 17” álfelgum. SE gerðin er auk þess búin Bluetooth (þráðlaus símasvörun), sjö sætum, þokuljósum í stuðara, krómuðu grilli, regnskynjara á rúðuþurrkum, áttavita í baksýnisspegli, leðurstýri, hita í speglum, 6 diska geislaspilara. LE gerðin er auk þess búin rafstýrðum leðursætum, Xenon aðalljósum, stigbretti, MP3 spilara, bakkmyndavél, stillingaminni á sætum og speglum, BOSE hljómtækjum, sóllúgu DVD leiðsögukerfi.

Nissan Pathfinder er bílarnir er með 2,5l, fjögurra strokka, 171 hestafla, common-rail dísilvél sem skilar 403Nm í tog við 2000 snúninga á mínútu. Þeir eru fáanlegir með öflugri 5 þrepa sjálfskiptingu eða 6 gíra beinskiptingu.  Dráttargeta Pathfinder er 3 tonn.  Pathfinder er með Nissan ALL-MODE fjórhjóladrif, eitt fullkomnasta fjórhjóladrif sem völ er á. Það er hægt að stilla á fjóra mismunandi vegu: á afturhjólin eingöngu og þannig ná hámarks eldsneytissparnaði í góðu æri, á ALL-MODE og þá getur aflið flakkað frá því að vera 100% á afturhjólin eingöngu í að vera 50/50 á milli fram- og afturöxuls allt eftir hvernig akstursskilyrðin eru, á H4 stillingu og þá dreifist aflið 50/50 jafnt milli fram og afturöxuls sem hentar vel í léttan utanvegaakstur og að lokum á HL stilling og þá keyrir bílinn í lágu drifi sem hentar vel við erfiðar aðstæður í þungu færi og miklum ófærum.  ESP stöðuleikastýring sem tengd er fjórhjóladrifinu er auk þess staðalbúnaður í Pathfinder.